മതംമാറി 32,000 പേര് സിറിയയിലേക്ക് പോയെന്ന പ്രചാരണത്തില് തെളിവു സമര്പ്പിക്കുന്നവര്ക്ക് ഒരു കോടി രൂപ പാരിതോഷികം പ്രഖ്യാപിച്ച് മുസ്ലിം യൂത്ത് ലീഗ്.മേയ് 4നു രാവിലെ 11നും വൈകിട്ട് 5നുമിടയില് യൂത്ത് ലീഗിന്റെ ജില്ലാ കേന്ദ്രങ്ങളിലെ കൗണ്ടറിലെത്തി തെളിവു സമര്പ്പിച്ചാല് ഒരു കോടി നേടാമെന്ന് യൂത്ത് ലീഗ് ജനറല് സെക്രട്ടറി പി.കെ.ഫിറോസ് സമൂഹമാധ്യമത്തിലൂടെ അറിയിച്ചു. 'ദ് കേരള സ്റ്റോറി' എന്ന സിനിമയുടെ ട്രെയിലര് പുറത്തുവന്നതിനു പിന്നാലെയുണ്ടായ വിവാദങ്ങളുടെ പശ്ചാത്തലത്തിലാണ് വെല്ലുവിളി.
രാഷ്ട്രീയ ലക്ഷ്യങ്ങള്ക്ക് വേണ്ടി നുണകള് മാത്രം പറയുന്ന സംഘപരിവാര് ഫാക്ടറിയിലെ ഏറ്റവും വലിയ നുണകളില് ഒന്നാണ് ലൗ ജിഹാദ് വഴി മതം മാറ്റി സിറിയയിലേക്ക് കടത്തിയെന്ന ആരോപണമെന്ന് പി.കെ.ഫിറോസ് പറഞ്ഞു. കേരളത്തില് 32,000 പേരെ ഇത്തരത്തില് മതം മാറ്റിയെന്ന് സംഘ് സ്പോണ്സേര്ഡ് സിനിമ ആധികാരിക കണക്കുകള് കയ്യിലുണ്ടെന്ന വാദത്തോടെ പറയുന്നു. അപ്പോള് ഒരു പഞ്ചായത്തില് ശരാശരി 30 പേരെങ്കിലും ഉണ്ടാവുമല്ലോ? പക്ഷേ, ഒരാളുടെയെങ്കിലും അഡ്രസ് ചോദിക്കുമ്ബോള് ഒന്നും കേള്ക്കാത്ത പോലെ തലതാഴ്ത്തി ഇരിപ്പാണ്- ഫിറോസ് പരിഹസിച്ചു.
കുറിപ്പിന്റെ പൂര്ണരൂപം:
രാഷ്ട്രീയ ലക്ഷ്യങ്ങള്ക്ക് വേണ്ടി നുണകള് മാത്രം പറയുന്ന സംഘ് പരിവാര് ഫാക്ടറിയിലെ ഏറ്റവും വലിയ നുണകളില് ഒന്നാണ് ലൗ ജിഹാദ് വഴി മതം മാറ്റി സിറിയയിലേക്ക് കടത്തി എന്ന ആരോപണം. കേരളത്തില് 32000 പേരെ ഇവ്വിധം മാറ്റി എന്ന് സംഘ് സ്പോണ്സേര്ഡ് സിനിമ ആധികാരിക കണക്കുകള് കയ്യിലുണ്ടെന്ന വാദത്തോടെ പറയുമ്ബോള് ഒരു പഞ്ചായത്തില് ശരാശരി 30 പേരെങ്കിലും ഉണ്ടാവുമല്ലോ.
പക്ഷേ, ഒരാളുടെയെങ്കിലും അഡ്രസ് ചോദിക്കുമ്ബോള് ഒന്നും കേള്ക്കാത്ത പോലെ തലതാഴ്ത്തി ഇരിപ്പാണ്. അതുകൊണ്ട്, തെളിവ് കൊണ്ടുവരുന്നവര്ക്ക് ഒരുകോടി രൂപ മുസ്ലിം യൂത്ത് ലീഗ് ഇനാം നല്കുമെന്ന് പ്രഖ്യാപിക്കുകയാണ്. അങ്ങനെ തെളിവുകള് കയ്യിലുള്ള ആര്ക്കും മുസ്ലിം യൂത്ത് ലീഗിന്റെ ജില്ലാ കേന്ദ്രങ്ങളിലെ കൗണ്ടറില് അത് സമര്പ്പിച്ച് മെനക്കേടില്ലാതെ ഒരുകോടി നേടാവുന്നതാണ്.
