തമിഴ്നാട്ടില് ഐസ്ക്രീമിനുള്ളില് ചത്ത തവളയെ കണ്ടെത്തി. തിരുപ്പറങ്കുണ്രം അരുള്മിഗു സുബ്രഹ്മണ്യ സ്വാമി ക്ഷേത്രത്തിനു സമീപത്തെ കടയില് നിന്ന് ജിഗര്തണ്ട ഐസ്ക്രീം കഴിച്ച കുട്ടികള്ക്കാണ് ഛര്ദ്ദിയും ദേഹാസ്വാസ്ഥ്യമുണ്ടായത്.
മധുര ടി.വി.എസ് നഗറിന് സമീപം മണിമേഗല സ്ട്രീറ്റിലെ അന്ബു സെല്വം കുടുംബത്തോടൊപ്പം ക്ഷേത്ര ദര്ശനം നടത്തിയപ്പോള് കടയില് നിന്നും ഐസ്ക്രീം വാങ്ങി കഴിക്കുകയായിരുന്നു. രാവിലെ 11 മണിയോടെയാണ് ക്ഷേത്രത്തിന് സമീപത്ത് നിന്ന് കുട്ടികള്ക്ക് ഐസ്ക്രീം വാങ്ങി നല്കിയത്.
കുട്ടികള് ഐസ്ക്രീം കഴിച്ച് തുടങ്ങിയപ്പോള് അതില് ചത്ത തവളയെ കണ്ടെത്തി. തവളയെ കണ്ട വിവരം കുട്ടി പിതാവിനോട് പറയുകയും ഉടന് തന്നെ മൂന്ന് പേരെയും സമീപത്തെ തിരുപ്പറങ്കുണ്റം സര്ക്കാര് ആശുപത്രിയില് ചികിത്സക്കായി പ്രവേശിപ്പിക്കുകയും ചെയ്തു.
