കേരള സര്ക്കാര് ബജറ്റിലൂടെ നടത്തിയ ജനദ്രോഹ നടപടികള്ക്കും നികുതി കൊള്ളയ്ക്കും എതിരെ കേരളം സ്തംഭിപ്പിക്കുന്ന പ്രക്ഷോഭം കോണ്ഗ്രസ് സംഘടിപ്പിക്കുമെന്ന് കെപിസിസി അറിയിച്ചു.ഫെബ്രുവരി 7ന് ഡിസിസികളുടെ നേതൃത്വത്തില് തിരുവനന്തപുരത്ത് സെക്രട്ടറിയേറ്റിലേക്കും മറ്റു ജില്ലകളില് കളക്ട്രേറ്റുകളിലേക്കും പ്രതിഷേധ മാര്ച്ച് സംഘടിപ്പിക്കുമെന്ന് കെപിസിസി ജനറല് സെക്രട്ടറി ടി യു.രാധാകൃഷ്ണന് പറഞ്ഞു
ജനത്തിന്റെ നടുവൊടിക്കുന്ന നികുതി നിര്ദ്ദേശങ്ങള് പിന്വലിക്കുന്നത് വരെ അതിശക്തമായ സമരപരിപാടികളാണ് കെപിസിസി ആസൂത്രണം ചെയ്യുന്നത്.കേരളത്തിന്റെ ചരിത്രത്തില് ഇതുപോലൊരു നികുതി വര്ധനവ് ഉണ്ടായിട്ടില്ല.അതുകൊണ്ട് തന്നെ കേരളം ഇതുവരെ കാണാത്തതിലും വലിയ പ്രക്ഷോഭമായിരിക്കും ഉണ്ടാകാന് പോകുന്നതെന്നും ടി.യു.രാധാകൃഷ്ണന് പറഞ്ഞു.
അതേസമയം, ബജറ്റില് പ്രഖ്യാപിച്ച രണ്ട് രൂപ ഇന്ധന സെസ് ഒരുരൂപയാക്കി കുറക്കുന്നതില് അന്തിമ തീരുമാനം ബുധനാഴ്ച നിയമസഭയില് ധനമന്ത്രി പ്രഖ്യാപിച്ചേക്കും.സാമ്ബത്തിക പ്രതിസന്ധിയുടെ കാരണം ഉന്നയിച്ച് കേന്ദ്രത്തിനെതിരായ ശക്തമായ രാഷ്ട്രീയ സമരങ്ങള്ക്ക് രൂപം നല്കാനും എല്ഡിഎഫ് ആലോചിക്കുന്നുണ്ട്.
