ഡ്രൈവറില്ലാത്ത ടാക്സിയില് ഫ്രീയായി ചുറ്റിക്കറങ്ങാന് അവസരം. അബുദാബിയിലെ പ്രധാന ഉല്ലാസ കേന്ദ്രങ്ങളായ യാസ് ഐലന്റിലും സാദിയാത്ത് ഐലന്റിലുമാണ് ഡ്രൈവറില്ലാതെ ഓടുന്ന ടാക്സികളില് സൗജന്യമായി സഞ്ചരിക്കാന് സന്ദര്ശകര്ക്ക് കഴിയുന്നത്.
പെരുന്നാള് അവധിക്കാലത്തെ അവശേഷിക്കുന്ന ദിവസങ്ങളിലേക്ക് കൂടി മാത്രമായിരിക്കും ഈ ഓഫര്.
Txai എന്ന് പേരിട്ടിരിക്കുന്ന, പൂര്ണമായും ഡ്രൈവര് രഹിതമായി ടാക്സി വാഹനത്തില് ഫ്രീയായി സഞ്ചരിക്കാനുള്ള അവസരം പൊതുജനങ്ങള്ക്ക് ഇപ്പോള് പ്രയോജനപ്പെടുത്താമെന്ന് അബുദാബി ഇന്റഗ്രേറ്റഡ് ട്രാന്സ്പോര്ട്ട് സെന്റര് (ഐടിസി – അബുദാബി) ട്വിറ്ററിലൂടെ അറിയിച്ചു. ഏറ്റവും ഉന്നത നിലവാരത്തിലുള്ള സുരക്ഷാ മാനദണ്ഡങ്ങള് പാലിക്കുന്ന ഈ ടാക്സി സര്വീസില് യാത്രക്കാര്ക്ക് വ്യത്യസ്തവും സുരക്ഷിതവുമായ യാത്രാ അനുഭവം ലഭ്യമാവുമെന്ന് ഇന്റഗ്രേറ്റഡ് ട്രാന്സ്പോര്ട്ട് സെന്ററിന്റെ അറിയിപ്പില് പറയുന്നു.
