തൃപ്പൂണിത്തുറ മെട്രോ വോക് വേയില് നിന്ന് ചാടി യുവാവിന്റെ ആത്മഹത്യാശ്രമം; മലപ്പുറം സ്വദേശിയായ നിസാർ മരണപ്പെട്ടു
07-08-2025 വ്യാഴം
കൊച്ചി : കൊച്ചി മെട്രോയുടെ എമര്ജന്സി വോക്ക് വേയില് നിന്ന് ചാടി യുവാവ് മരണപ്പെട്ടു. തൃപ്പൂണിത്തുറ വടക്കേക്കോട്ടയ്ക്കും എസ്എന് ജങ്ഷനുമിടയിലെ ട്രാക്കിന് മുകളിലെ വാക് വേയില് നിന്നാണ് യുവാവ് റോഡിലേക്ക് എടുത്തു ചാടിയത്. മലപ്പുറം തിരുരങ്ങാടി ചുള്ളിപ്പാറ സ്വദേശി വീരാശ്ശേരി കുഞ്ഞുമൊയ്തീന്റെ മകൻ നിസാർ 32(വയസ്സ്) ആണ് മരണപെട്ടത്.
ഗുരുതര പരിക്കുകളോടെ ആശുപത്രിയില് പ്രവേശിപ്പിചെങ്കിലും മരണപ്പെട്ടു സംഭവത്തിന് പിന്നാലെ മെട്രോ സര്വീസുകള് തടസ്സപ്പെട്ടു.
റോഡില് വീണ നിസാറിന്റെ കൈ കാലുകള് ഒടിഞ്ഞതായും തലയ്ക്ക് സാരമായി പരിക്കേറ്റതായും പൊലീസ് പറഞ്ഞു. എന്താണ് യുവാവ് ചാടാനുള്ള കാരണം വ്യക്തമല്ല. ഏറെ സുരക്ഷാ ക്രമീകരണങ്ങള് ഉണ്ടായിട്ടും യുവാവ് മെട്രോ ട്രാക്കിലേക്ക് നടന്ന് കയറിയത് എങ്ങനെയാണെന്ന് അറിവായിട്ടില്ല.
