ബസ് കാത്തു നില്ക്കവെ ഡെലിവറി വാൻ ഇടിച്ച് വാർഡ് മെംബർക്ക് ദാരുണാന്ത്യം. മലപ്പുറം മങ്കടയിലാണ് ഗ്രാമപഞ്ചായത്ത് അംഗം വാനിടിച്ച് മരിച്ചത്.
പഞ്ചായത്ത് നാലാം വാർഡിലെ സിപിഐ മെമ്ബർ 40 കാരിയായ സി.പി നസീറയാണ് മരിച്ചത്. വൈകീട്ട് അഞ്ചരയോടെ കടലമണ്ണയിലെ വീടിന് സമീപത്തുള്ള ബസ് സ്റ്റോപ്പില് ബസ് കാത്തുനില്ക്കുമ്ബോഴായിരുന്നു അപകടം. ഈ സമയം കടകളിലേക്ക് സാധനം കൊണ്ടുവരുന്ന ഡെലിവറി വാൻ വന്നിടിക്കുകയായിരുന്നു.
ഉടൻ ആശുപത്രിയില് എത്തിച്ചെങ്കിലും രക്ഷിക്കാനായില്ല. സിപിഐ മലപ്പുറം ജില്ലാ അസി. സെക്രട്ടറി പിടി ഷറഫുദ്ദീന്റെ ഭാര്യയാണ്. മൂന്ന് മക്കളുണ്ട്. മൃതദേഹം പെരിന്തല്മണ്ണയിലെ സ്വകാര്യ ആശുപത്രിയില്.
